Ghazal -- Lamha bhar apna hawaon ko banane wale

Lamha bhar apna hawaon ko banane wale,
ab na aayen gay palat kar kabhi jaanewale;

Kia milay ga tujhe bikhre huwe khwabon k siwa,
rait par chand ki tasweer banane wale;

Sab ne pehnatha bade shoq se kaghaz ka libaas,
jis qadar log thay barish mein nahane wale;

Mar gaye hum to ye Qutbe pe likha jaye ga,
SO gaye AAP zamane ko jagane wale;

Dar-o-deewar pe hasrat si barasti hai QATEEL,
Jaane kis Dais gaye PYAR nibhane wale.........!